2009年7月9日星期四
2009年7月5日星期日
Tucimtacire be Ejehengge 1
Bi 6 biyai 28 de Nio Silan de tuktan de isinjiha ci ebsi emgeri emu barun oho. Ere sidende buya baita labdu bifi, gisureki sehe seme emu erinde gisureme wajirakū. Mini MSN untuhulan de emgeri eyere mukei adali ejehebi.
Ududu biyai onggolo bi uthai emu gūnin banjifi emu Manju gisun i arara bolok be neifi, cohome mini Nio Silan de tacire banjire babe ejeki sembihe. Tuttu be dahame, bi giyani inenggidari geren baita be ejeme araci acambi, uttu amaga inenggi tuwarade inu bahara babi. Damu, ere ucuri fuhali enteke mujilen be bahakū ofi, kanagan arame shu be emke seme arahakū. Cananggi yamji asu de emu Sibe agei emgi jilgan i leolecen (=voice chat) be baitalafi sula leolecehe bihe, bi Manjurahakū ofi jaci goidaha turgunde, ini sasa leolecerede, gisun bahanarakū, baibi yasa sharinjara faihacara dabala. Tere age minde alahangge, sini gisurehengge eberi waka, damu mini gūninde, si Cabcal de genefi ememu inenggi teme, niyalma i baru labdukan i leolecere ohode, urunakū ambula nonggibumbi sehebi. Bi gaiharilame ulhihe, Manju gisun be sibkire de mujin toktobuha secibe, urui coktolohoi beyei eberi babe sarkū, uttu tacihangge mincihiyan ojoro de isinaha. Ede dahūme bithe hūlame shejileme angga juwame gisureme urebuci teni acambi. Akū oci, sibkire ergi de ai hacin i ferguwecuke, araha shu fiyelen ai hacin i yangsangga okini, Manjurara urse de tunggalaha de damu tanjara dabala.
Mini yabuci acara jugūn kemuni golmin, terei mangga babe gisurere be baiburakū. Bi gūnici, damu mini mutere teile fashshaci wajiha, uthai anggai gisun be bahafi ureburakū okini, absi akū ubade mini gūnigan be cihai iletuleme tucibume fi nikebume arambi. Manju sai dorgi ememu uksura yosontu (=nationalist) sa de, bi ainci ijilame muterakū dere, uttu ofi, ere uthai mini emhun i jugūn. Jokson de mangga sehebi, bi aiseme ere jalin joboshombi. Fafurshacina.
******
Ere juwe inenggi barun i dube ofi, icihiyaci acara jingkini baita umai akū, bi uthai mini boode tutahabi. Ai turgun be sarkū secibe, Nio Silan de isinjiha manggi uthai inenggidari amgame tesurakū gese, erde de besergen ci ilime muterakū. Ere barun i dube de bi ine mene erin be bodorakū, cihai amgaki seme toktohobi. Uttu gūni nakū jai inenggi ilihangge umai yamjihakū.
Sikse dobori bi Jiramin deo de asu de leolecehe bihe, I minde alafi, te jiha fayabume wajihabi, arga akū, inenggi shun de Niugai Muslim Muktehen de tefi, dobori de gūwa ba be baime tembi sehede, bi ini jobolon be safi, erde bangka (=bank) de yabufi mini menggun be majige gajifi ini boigon de beneki sembi. Auckland i abka sukdun yargiyan i aldungga. Niyalmai gisurehe babe donjici, tuweri forgon de aga labdu bi, te jing abka galaka de, atanggi aga agame deribure be sarkū, aga de teisulebuhede, aika sara be gamarakū oci uthai beyei gubci usihibumbi. Bi enenggi uthai terei arbun be dulebuhe.
Daci Gurun i Bangka de geneki sembihe, gūnihakū tese barun i dube de neirakū, tuttu bime, mini ID kartu be kemuni bahara unde ofi, neneme nakara dabala. An i ucuri hoton i dulimba de daruhai sargasharakū, enenggi jing baita akū ojoro jakade, bi uthai babade oksome yabuha. Ere sidende, agahangge amba muru 5nggeri eici 6nggeri, agaha manggi uthai shun tucifi, umai agahakū gese. Jing jugūn giyai de yaburede, holkonde tugi geli bombonofi, agai muke tib tab seme tuhenjihe...ere adali ududu mudan be sabufi, bi teni ubai abkai sukdun be tengkime saha. Marire jugūn de bi mederi darun be yabume, labdu jahūdai bisire be sabuha, ememungge niyalmai cisui ningge, emu juru eigen sargan jahūdai dolo deri tucike manggi dalin be yabure be bi sabuha.
Te emgeri dobori dulin 1ci erin dulekebi, bi inu shadaha, amganaki seme ofi, arahangge uthai uttu okini...terei sudala yargiyan i facuhūn secibe...
Ududu biyai onggolo bi uthai emu gūnin banjifi emu Manju gisun i arara bolok be neifi, cohome mini Nio Silan de tacire banjire babe ejeki sembihe. Tuttu be dahame, bi giyani inenggidari geren baita be ejeme araci acambi, uttu amaga inenggi tuwarade inu bahara babi. Damu, ere ucuri fuhali enteke mujilen be bahakū ofi, kanagan arame shu be emke seme arahakū. Cananggi yamji asu de emu Sibe agei emgi jilgan i leolecen (=voice chat) be baitalafi sula leolecehe bihe, bi Manjurahakū ofi jaci goidaha turgunde, ini sasa leolecerede, gisun bahanarakū, baibi yasa sharinjara faihacara dabala. Tere age minde alahangge, sini gisurehengge eberi waka, damu mini gūninde, si Cabcal de genefi ememu inenggi teme, niyalma i baru labdukan i leolecere ohode, urunakū ambula nonggibumbi sehebi. Bi gaiharilame ulhihe, Manju gisun be sibkire de mujin toktobuha secibe, urui coktolohoi beyei eberi babe sarkū, uttu tacihangge mincihiyan ojoro de isinaha. Ede dahūme bithe hūlame shejileme angga juwame gisureme urebuci teni acambi. Akū oci, sibkire ergi de ai hacin i ferguwecuke, araha shu fiyelen ai hacin i yangsangga okini, Manjurara urse de tunggalaha de damu tanjara dabala.
Mini yabuci acara jugūn kemuni golmin, terei mangga babe gisurere be baiburakū. Bi gūnici, damu mini mutere teile fashshaci wajiha, uthai anggai gisun be bahafi ureburakū okini, absi akū ubade mini gūnigan be cihai iletuleme tucibume fi nikebume arambi. Manju sai dorgi ememu uksura yosontu (=nationalist) sa de, bi ainci ijilame muterakū dere, uttu ofi, ere uthai mini emhun i jugūn. Jokson de mangga sehebi, bi aiseme ere jalin joboshombi. Fafurshacina.
******
Ere juwe inenggi barun i dube ofi, icihiyaci acara jingkini baita umai akū, bi uthai mini boode tutahabi. Ai turgun be sarkū secibe, Nio Silan de isinjiha manggi uthai inenggidari amgame tesurakū gese, erde de besergen ci ilime muterakū. Ere barun i dube de bi ine mene erin be bodorakū, cihai amgaki seme toktohobi. Uttu gūni nakū jai inenggi ilihangge umai yamjihakū.
Sikse dobori bi Jiramin deo de asu de leolecehe bihe, I minde alafi, te jiha fayabume wajihabi, arga akū, inenggi shun de Niugai Muslim Muktehen de tefi, dobori de gūwa ba be baime tembi sehede, bi ini jobolon be safi, erde bangka (=bank) de yabufi mini menggun be majige gajifi ini boigon de beneki sembi. Auckland i abka sukdun yargiyan i aldungga. Niyalmai gisurehe babe donjici, tuweri forgon de aga labdu bi, te jing abka galaka de, atanggi aga agame deribure be sarkū, aga de teisulebuhede, aika sara be gamarakū oci uthai beyei gubci usihibumbi. Bi enenggi uthai terei arbun be dulebuhe.
Daci Gurun i Bangka de geneki sembihe, gūnihakū tese barun i dube de neirakū, tuttu bime, mini ID kartu be kemuni bahara unde ofi, neneme nakara dabala. An i ucuri hoton i dulimba de daruhai sargasharakū, enenggi jing baita akū ojoro jakade, bi uthai babade oksome yabuha. Ere sidende, agahangge amba muru 5nggeri eici 6nggeri, agaha manggi uthai shun tucifi, umai agahakū gese. Jing jugūn giyai de yaburede, holkonde tugi geli bombonofi, agai muke tib tab seme tuhenjihe...ere adali ududu mudan be sabufi, bi teni ubai abkai sukdun be tengkime saha. Marire jugūn de bi mederi darun be yabume, labdu jahūdai bisire be sabuha, ememungge niyalmai cisui ningge, emu juru eigen sargan jahūdai dolo deri tucike manggi dalin be yabure be bi sabuha.
Te emgeri dobori dulin 1ci erin dulekebi, bi inu shadaha, amganaki seme ofi, arahangge uthai uttu okini...terei sudala yargiyan i facuhūn secibe...
订阅：
博文 (Atom)